Mihring taksa in siam chhoh dan
*KAN TAKSA BUNG HRANG INTHLÂK DANGLAM DAN*
- Valpuia Leo Chawngthu
@@. Nausen hian puitling aiin Lei (toungue) ah hian hriatna an ngah zawk.
@@. Thla 7 an tlin hma chuan nausen hi hmeichhia aiin mipa sam a țhang chak zawk.
@@. Naute hi a Nu in a pai tirh ațanga a pian chhuah inkar rih lam hi maktaduai 5 velin a inthlau.
@@. Nu pum chhunga a awm lai hian naute hi a kutzung hmawr hmangin a inbin kual a, a inhai kual ve țhin.
@@. Naute a lo pian chhuah chiah hian a puitlin huna a Lu len lam tur hmun 4 a țhena hmun 3 tiat vel a rawn pian chhuahpui țhin. A lu rih lam chu a taksa hmun 4 a țhena hmun 1 vel a ni.
@@. Naute la țawng thei lo te hian an Nu te țawng hman ni lo țawng (language) dang an thliar hrang ve thei.
@@. Kan Mit hi kan pian chhuah hlima kan put bak a țhang tawh lo. Kan pian hlima kan mit leh tuna mi hi a intiat reng.
@@. Kum 2 kan tlin hian kan Thluaka hriatna thazam chu a letin a lo pung a. A chak lam pawh a let tho. Kan puitlin hnu ah pawh kan thluak a chak ang zelin thahrui a mamawh pawh a pung ve zel a ni.
@@. Naupang hi kum khata hun țhen hrang hrang zingah Țhâl laiin an țhang chak bik.
@@. Kan pian hlim ațangin kan țhan len dan a pangngai reng lo va. A tlangpuiin Kum 2 velah kan țhang chak a, a hnu ah a muang leh deuh a. Kum 13 vel ațangin kan țhang chak leh a ni
@@. Hrisel țha pangngaia țhan chak theihtawpin mipa naupang hi kum khat chhungin inches 3.5 velin an țhang thei a. Hmeichhe naupang hi inches 3 velin an țhang thei bawk.
@@. Tunlaia Australia rama naupiang te chu harsatna dangin a tlakbuak loh chuan kum 83 vel zel dam tura beisei an ni.
@@. Kum 1901 ah khan khawvel mihring 100 zela 1 chu kum 60 dam thleng țhin an ni a. Tunah chuan Japan ramah chuan mihring 100 zela 20 chu kum 60 an dam thleng tawh.
@@. Mihring cheng tam dan ațanga chhutin Italy rama Sardina thliarkar chu kum 100 chung lam awm tamna ber a ni.
° ° ° ° ° ° ° ° ° ° ° ° ° ° ° ° ° ° °
0 comments: